Йошкар-Олаште вучымо эше ик корным ыштат

   Йошкар-Олаште ик эн кӱлешан корно участкым чоҥаш 300 миллион теҥге окса кӱлеш лиеш. Тиде корно оласе калыкым шукертсек тургыжландарен. Петров уремым Воин- Интернационалист- влак урем деч Шернур тракт марте шуйымо нерген уверым куанен вашлийыныт. Тиде корно ужашым Александр Евстифеевын кӱштымыж почеш шушаш ийын ыштен шукташ палемдыме.  Чоҥымо пашам Йошкар-Олан мэрже Евгений Маслов ончен лектын.         Сомбатхей микрорайонын инфраструктурыжо шотышто йодышым Александр Евстифеев ик гана веле огыл нӧлталын. Молан манаш гын, пӧрт- влакым чоҥымо, ны корно уке, ны социал инфраструктурым ыштыме огыл. Кызыт ынде икмыняр йоча сад лиеш, иктышт ямде, весышт чоҥалтыт. Ынде теве Петров урем дене корно ышталтеш. Лишыл жапыште Ураев бульварыште корным чоҥаш тӱҥалыт,- палемден Евгений Маслов.
         Кызыт Петров уремым умбакыже ышташ контрактым пеҥгыдемдыме. Ик меҥге наре кужыт корным ышташ 330 миллион утла теҥге кайышаш. Молан манаш гын, иканаште чыла инфраструктуро ышталтшаш: йӱр вӱдлан канализаций, теплоцентраль, вӱд пуч, йоктарен колтымо пуч да молат. Подрядчик пашам чолган тӱҥалын да теле мучко шукташ тӱҥалеш, а асфальтым шушаш ийын шарат. Тидын годымак Петров уремыште тротуар- влакым олмыкташ тӱҥалыт.

Прошлые выпуски