Предприятий-влакын сатуштлан ак кушмаш эркышнен
Республикысе предприятий- влак шке сатуштлан акын кушмыжо эркышнен кертеш манын шонат. Тидын нерген калыкле банкын пӧлкажын финанс огыл организаций- влак коклаште шымлымашыже ойла. Тыгай лектышым чоҥышо, ял озанлык, тӱшкан да ужашын ужалкалыше, промышленный производство предприятий- влак ончыктат. Тений октябрьыште Марий Элыштына талукаш инфляций 4 тичмашат 2 луаш процентыш шуын ыле. Ак кушмашын эркышнымыжлан кочкыш продукцийым шукырак темлымашат йӧным ыштен. Кажне кандашымше ял озанлык предприятий октябрьыште сатужым шулдырак ак дене колтен. Промышленный предприятий- влакын шонымышт почеш, йодмашын кушмыжо сатум шукырак лукташ таратен. Тыгай шымлымаш окса да кердит политикым приниматлыме годым да ключевой ставкын кугытшо шотышто пунчалым лукмо годым шотыш налалтеш. Сандене анкетированийыш моло предприятий- влакат ушнен кертыт.
