Эрла Марий Эл Кугыжаныш Погынын 6-шо сессийже почылтеш
Марий Эл Кугыжаныш Погын Президиумын 10-шо заседанийже эртен. Эн ончычак Юл кундем округысо законодательный орган- влакын ассоциацийыштын координаторжо Лидинын кӱштымыж почеш, Анатолий Смирнов Кугыжаныш Погынын почётан председательже Юрий Минаковлан ассоциацийын Почётан еҥжын знакшым кучыктен. Марий праламентын 6-шо сессийжылан ямдылалтме радамыште президиумын еҥже- влак сессийыш лукшаш документ- влакын проектыштым каҥашымашым иктешленыт, повесткым, паша радамым, секретариатым да ӱжмӧ еҥ- влакын спискыштым пеҥгыдемденыт.
Кугыжаныш Погынын кудымшо сессийже таче 10 шагатлан почылтеш. Повесткыш 18 йодышым пуртымо. Депутат- влак обязательный медицина страхований фондын бюджетышкыже, южо янлыкым кучаш разрешенийым шеледыме радамыш, мировой судьян удостоверенийже нерген положенийыш вашталтышым пуртышаш, Республикын у почётан лӱмжым пеҥгыдемдышаш, шала коштшо пий ден пырысым кучаш верысе самоуправлений органлан пуымо полномочийын вийжым пытымылан шотлышаш улыт. Республикын икмыняр законжым федерал закон дене тӧр кондат. Тиддеч посна моло законопроектымат ончен лектыт.
Кугыжаныш Погынын кудымшо сессийже таче 10 шагатлан почылтеш. Повесткыш 18 йодышым пуртымо. Депутат- влак обязательный медицина страхований фондын бюджетышкыже, южо янлыкым кучаш разрешенийым шеледыме радамыш, мировой судьян удостоверенийже нерген положенийыш вашталтышым пуртышаш, Республикын у почётан лӱмжым пеҥгыдемдышаш, шала коштшо пий ден пырысым кучаш верысе самоуправлений органлан пуымо полномочийын вийжым пытымылан шотлышаш улыт. Республикын икмыняр законжым федерал закон дене тӧр кондат. Тиддеч посна моло законопроектымат ончен лектыт.
