Пытартыш рушарнян- тазалык да спорт кече
29-ше декабрьыште Марий Элыштына тазалык да спорт кече лиеш. Тудо кажне тылзын пытартыш рушарнянже эртаралтеш. Тиде кечын икмыняр категорий еҥ- влак олаште да районлаштат бассейныш, тренажер залыш, куржталме корныш, Ий полатыш, модмо заллаш оксам тӱлыде коштын кертыт. Тыгай йӧн шуко шочшан ешлан, инвалид, ашнаш налме ешлаште кушшо йоча, йоча пӧртлаште илыше икшыве- влак, сарын ветеранже ден инвалидше, пашан ветеранже, политрепрессийыш логалше, радиаций аварийлаште лийше, инвалид да шоҥгыпӧртлаште илыше- влаклан ышталтеш. Тиде кечын Йошкар-Олаште «Вӱд полат», «Вӱд спорт полат», «Дружба» стадион, тусо Ий полат, «Марий Эл Арена» манеж, Марий Турекысе Ий полат, Козьмодемьянскысе «Юл» бассейн, Юринысе «Юбилейный» ФОК яра пуртат.
