Теҥгече тулык йоча да тошто пӧртла гыч кусарыме еҥ- влаклан у пачер деч сравочым кучыктымо

Теҥгече тулык йоча да тошто пӧртла гыч кусарыме еҥ- влаклан у пачер деч сравочым кучыктымо
Теҥгече Марий Элым вуйлатыше Александр Евстифеев тулык йоча да ача-аван полышыж деч посна кодшо икшыве- влаклан, тыгак аварийный пӧртла гыч кусарыме еҥ- влалан у пачер деч сравочым кучыктен. Йӱран, ночко игече погынышо калыкын кумылжым волтен огыл. У илемым, илышыште икымше пачерым 14 тулык йоча да тошто пӧртла гыч кусарыме 57 еҥан 19 еш налыныт. У оза- влак Знаменский посёлкысо Черепанов уремысе 2-шо «Б» пӧртыштӧ илаш тӱҥалыт. Тиде у илыме квартал. Тушто пашам ышташ, тунемаш, ешым чумыраш, икшывым кушташ чыла йӧным ыштыме. Пачер- влак ямде улыт, кӱлеш оборудованийым вераҥдыме. Воктенак йоча сад, школ, тӱвыра рӱдер, фельдшер-акушер пункт, книгагудо верланеныт. Посёлкыжат ола воктенак. У пачер оза- влак дене пырля мый шкежат моткоч куаныше улам, - каласен республикым вуйлатыше. Тений тулык йоча- влаклан 187 пачерым пуымо, кодшо ийын 152 лийын. Чылаже 211 миллион теҥге оксам кучылтмо. Тушечын 169 миллионжо- республикын казнаже гыч. Тиде йодышышто Россий Федерацийын полышыжо аклаш лийдыме. А тошто пӧртла гыч кусарыме- влак нерген ойлаш гын, тиде сомыл калыкле проект кышкарыште шукталтеш. Тушко 2025-ше ий марте 400 пӧртым пуртымо. Кызытсе жап 
марте, программын икымше йыжыҥыштыже, 128 еҥым кусарыме. Тыге кок тӱжемат 427 квадрат метр аварийный илыме верым пытарыме. Паша умбакыжат шуйна,- каласен Александр Евстифеев. Мучашлан тудо у оза- влакым саламлен да пачер- влакым ончен савырненыт.

Прошлые выпуски