У ий тӱҥалтышыште троллейбус- влак йӱд марте коштыт
Йошкар-Оласе калык да нунын унаштлан палаш. Троллейбус транспорт муниципал предприятий увертара: шуко еҥын йодмыжо почеш 1,2, да 6-шо январьыште троллейбус- влак 23 шагат йӱд марте кошташ тӱҥалыт. Эрдене да кастене кузе коштмыжо нерген рашырак троллейбус12.рф сайтыште пален налаш лиеш. Тидымат ушештара: икымше гыч 31-ше январь марте троллейбус дене кайымылан банк карте дене тӱлаш гын, кум теҥгелан шулдырак каяш лиеш- 19 теҥге.
