Марий деч сенатор Сергей Мартынов кадет классыш миен

Марий деч сенатор Сергей Мартынов кадет классыш миен
     Марий Эл деч сенатор Сергей Мартынов Йошкар-Оласе Пушкин лӱмеш нылымше номеран Гимназийын кадет классыштыже лийын. Тиде школышто икымше кадет классым 2000-ше ийыштак почмо ыле. Тиде жапыште вичшӱдӧ утла кадетым туныктен лукмо. Тушечын кокшӱдӧ утлаже элысе военный вузлаште тунем лектын, офицер лийыныт. Тыге, нылымше гимназий офицерым ямдылыше тӧнеж лийын. Федераций Советын еҥже, оборона да лӱдыкшыдымылык комитетым вуйлатышын икымше алмаштышыже Сергей Мартынов класс- влакым ончен. Тудын дене пырля ФСБ виктемын еныштат лийыныт. Молан манаш гын, ФСБ виктем ден гимназийысе Брусилов лӱмеш кадет корпус пеҥгыде кылым кучат. Ӱдыр-рвезе- влак кызытак ФСБ-н шевронжым кугешнен коштыктат. ФСБ-н еҥже- влак шке пашашт нерген каласкаленыт. А Сергей Мартынов законодательный органын пашаж дене палдарен. 
Кугу илышлан ямдылалтше самырык тукымлан икмыняр илыш каҥашым пуэн. Айдеме кеч-могай пашам ышта гынат, тудо профессионал семын аклалтеш, манын сенатор.

Прошлые выпуски