Ер дене эҥерлаште ийын кӱжгытшым чарныде вискалат

Ер дене эҥерлаште ийын кӱжгытшым чарныде вискалат
           Республикысе аварийно-утарыше служба ер дене эҥерлаште ийын кӱжгытшым чарныде вискалат. Йошкар-Ола воктене Изи Какшанын кумда верлаштыже- 35 сантиметр, аҥышыр верлаште- 20 сантиметр, кӱвар- влак воктене да Ширяйково деч плотина марте виш вер- влакат улыт. Юл эҥерым ончалаш гын, Кокшайскыште ий 53 сантиметрыш кылмен, но лум йымалне южо вере вӱд погынен. Волжск воктене 50, затонышто 55 сантиметр, тыгак лум йымалне вӱд погынен. Козьмодемьянск воктене- 30 сантиметр марте, затонышто -45, южо вере виш вер коеш. Юриныште ий 40 сантиметр кӱжгытан, лум йымалне- вӱд. Звениговышто- 27 сантиметр, затонышто 55 сантиметр марте. Специалист- влак шижтарат- ийын структурыжо вашталташ тӱҥалын. Тудо шӱштырга да  пеҥгыдылыкше йомеш. Сандене ий ӱмбаке лекташ огыт темле.
           Фото: Марий аварийно-утарыше службо.

Прошлые выпуски