Корно пашазе- влак лакылам олмыкташ лектыныт
Йошкар-Олаште корно пашазе- влак лакылам олмыкташ лектыныт. Тиде пашам тений кокымшо гана шуктат. Тӧрлымӧ верлашке мэрын икымше алмаштышыже Лев Покровский ден Ола погынымашын депутатше Антон Волков миеныт. Ончыч паша Вознесений урем ден Царьград проспект корнывожышто тӱналын, вара Анциферов уремыште шотыш кондат, умбакыже эше кӱлешанрак верлашке куснат. Нуно кок кас мучко, транспорт шагалеммеке, пашаш лекташ палемденыт. Ола администрацийыште палемдыме почеш, велыктыман асфальтын температурыжо 230-250 градусыш шуэш. Тиде вартышым термос шотан спецавтомобиль дене шупшыктат. Южын йӱштӧ улмыжо годымат вишкыде асфальт сайын шарлен пижеш, лаптырташ ок кӱл.
Фото: «Город» МУП.
Фото: «Город» МУП.
