Калыкле сӱрет галерейыште «Японий, Талант! Кумыл почылтмаш! Мастарлык!» у ончер почылтын

Калыкле сӱрет галерейыште «Японий, Талант! Кумыл почылтмаш! Мастарлык!» у ончер почылтын
           Йошкар- Олаште Японий гыч шке кид ден ыштыме сӧрал да оҥай сымыктыш ӱзгар- влакын частный коллекцийыштым ончыктат. Таче Калыкле сӱрет галерейыште «Японий, Талант! Кумыл почылтмаш! Мастарлык!» у ончер почылтын. Ончаш мийыше- влак 1950-ше 1980-шо ийлаште посна еҥын погымо винтаж паша- влакым ужын кертыт. Нуным Токио олаште тӱрлӧ тошто ӱзгарым ужалыше да винтаж кевытлаште наледыме. Проектыште кимоном, оби ӱштым, калык курчакым, тӱрлӧ сорастарыме ӱзгарым, ксилографийым, оҥай веерым да молымат ончыктымо. Тиде япон мастар- влакын устан да тыршен ыштыме пашашт. Порсынеш ожнысо семын сӱретлыме технике да кид дене тӱрлымӧ сомыл мондалтын огыл. Чыла экспонатшат чаплын аралалт кодын. Тидыже чаткан ыштыме нерген ойла.
         Фото: Калыкле сӱрет галерей.

Прошлые выпуски