Марий «Вараш» лӱйкалымаш дене Юл кундем округысо чемпионатыште сеҥышын верышкыже чоҥештен кӱзен
Марий «Вараш» лӱйкалымаш дене Юл кундем округысо чемпионатыште сеҥышын верышкыже чоҥештен кӱзен. Марий УФСИН-ын специальный назначениян «Ястреб» пӧлкажын командыже Юл кундем округысо уголовно- исполнительный спецподразделенийже- влак коклаште лӱйкалымаш дене чемпионатыште «шӧртньӧ» медальым сеҥен налын. Округысо ойырен налме йыжыҥ Самара олаште «Ястреб» отрядлан сеҥымаш дене мучашлалтын. Округысо спецназовец- влакын 14 командышт гыч марий боец- влак эн сай лийыныт да турнирыште Киров ден Самара областьлан командыштым ончылтеныт. Участник- влак ныл упражненийым ыштеныт: Макаров пистолет ден Калашников автомат гыч мужырын кум тӱрлӧ лӱйкалымаш да Калашниковын автомат ше гыч ик гана шкетын лӱйымаш лийын. Лӱйымӧ кужыт- 100 метр. Тидымат палемдыман: личный первенствыште «Ястребын» сотрудникше Константин ик упражненийыште «ший» медальым налын. Сеҥыше да призёр- влаклан кубокым, медальым да Чап грамотым кучыктымо. Ынде спецназовец- влакым Россий ФСИН чемпионатын финалже вуча. Тудо март мучашыште Санкт-Петербургышто лиеш.
Фото: УФСИН-ын пресс-службыжо.
Фото: УФСИН-ын пресс-службыжо.
