Ик ийыште республикысе самырык- влак шӱдӧ вич тӱжем гана «Пушкин карте» дене пайдаланеныт

Ик ийыште республикысе самырык- влак шӱдӧ вич тӱжем гана «Пушкин карте» дене пайдаланеныт
          Ик ийыште республикысе самырык- влак шӱдӧ вич тӱжем гана «Пушкин карте» дене пайдаланеныт. 2022-шо ийыште «Пушкин карте» дене пашам ыштымым иктешлыме. Ӱдыр-рвезе- влак тиде программым шӱдӧ вич тӱжем гана кучылтыныт. Эн шукыжо билетым театр ден филармонийыш налыныт. Мутлан, 2021-ше ийыште 32 тӱжем билетым налме ыле. Тӱвыра министерствын ончыктымыжо почеш, эн шуко Эрик Сапаев лӱмеш опера да балет театрыш, Шкетан лӱмеш калыкле марий драма театрыш, Яков Эшпай лӱмеш Марий Кугшыжаныш филармонийыш миеныт. Идалык мучашлан «Пушкин карте» дене республикысе 72 тӱвыра тӧнеж пашам ышташ тӱҥалын. Кодшо ийын 44 тӱжемат 200 утла еҥын тиде картыже лийын. Тидыже целевой аудиторийын 70 утла процентше лиеш. 2021-ше ий дене таҥастарымаште программыш эше 18 тӱжем утла еҥ ушнен. Эн шуко картым Йошкар-Олаште, Звенигово да Медведево районлаште налыныт. Кодшо ийын эртарыме мероприятий-влак ныл пачаш ешаралтыныт: утларак концертым, кином ончыктымаш, вашлиймашым да выставкым эртарыме.

Прошлые выпуски