Йошкар-Ола ден Козьмодемьянскыште Пӱтынь марий йоча пленэр эрта
Йошкар-Ола ден Козьмодемьянскыште Пӱтынь марий йоча пленэр эрта. Пленер талантан йоча- влакым рашемдыме да нунылан полшымо «Волгенче» республикысе рӱдерын усталык сменыже кышкарыште Юл эҥер серыште эртаралтеш. Тений смена- влак 23-шо июньышто тӱналыныт. Козьмодемьянск ден Йошкар-Олаште 62 самырык сӱретче ден 86 куштызо погыненыт.
Юл эҥер серысе олаште йоча- влак Козьмодемьянскысе тоштерлашке коштыт, сулло сӱретче Сергей Алдушкинын мастар-классыштыже лиедат. Нуно эҥерым, тошто уремлам, сурт-кӧргӧ ӱзгарым ончыктышо этюдлам возат. 26-шо июньышто самырык сӱретче- влак Россий художество академийын академикше, Российын калык сӱретчыже, акварель академийын ректоржо Вячеслав Желваков дене вашлийыныт.
Самырык куштызо- влак «Марий Эл» ансамбль гыч Александр ден Елизавета Селивановмытын вуйлатымышт почеш тунемыт. Смена- влак куштымаш толкын дене чыла районым авалташ полшат. Участник- влак «Волгенче» пӱтынь марий йоча хореографий ансамбльыш ушнен кертыт. «Йӱлам аралыше- влак» программа «Марий Эл» ансамбльын шӧртньӧ фондшым арален кодащ виктаралтын. 29-ше июньышто Опера да балет театрын сценыштыже пленэрын выпускникше- влакын «Марий Эл» ансамбль дене пырля концертышт эртен. Октябрьыште Сӱрет галерейыште пленэрын участникше- влакын ончерышт почылтеш, а ноябрьыште самырык артист- влак «Муро да кушто, мыйын Россием» Россий кӱкшытан фестивальыште участвоватлат.
Фото: ВК «Волгенче» рӱдер.
Юл эҥер серысе олаште йоча- влак Козьмодемьянскысе тоштерлашке коштыт, сулло сӱретче Сергей Алдушкинын мастар-классыштыже лиедат. Нуно эҥерым, тошто уремлам, сурт-кӧргӧ ӱзгарым ончыктышо этюдлам возат. 26-шо июньышто самырык сӱретче- влак Россий художество академийын академикше, Российын калык сӱретчыже, акварель академийын ректоржо Вячеслав Желваков дене вашлийыныт.
Самырык куштызо- влак «Марий Эл» ансамбль гыч Александр ден Елизавета Селивановмытын вуйлатымышт почеш тунемыт. Смена- влак куштымаш толкын дене чыла районым авалташ полшат. Участник- влак «Волгенче» пӱтынь марий йоча хореографий ансамбльыш ушнен кертыт. «Йӱлам аралыше- влак» программа «Марий Эл» ансамбльын шӧртньӧ фондшым арален кодащ виктаралтын. 29-ше июньышто Опера да балет театрын сценыштыже пленэрын выпускникше- влакын «Марий Эл» ансамбль дене пырля концертышт эртен. Октябрьыште Сӱрет галерейыште пленэрын участникше- влакын ончерышт почылтеш, а ноябрьыште самырык артист- влак «Муро да кушто, мыйын Россием» Россий кӱкшытан фестивальыште участвоватлат.
Фото: ВК «Волгенче» рӱдер.
