Эрла- икымше сентябрь, шинчымаш кече

Эрла- икымше сентябрь, шинчымаш кече
             Эрла- икымше сентябрь, шинчымаш кече. Республикым вуййлатыше Юрий Зайцев  школышто тунемше да студент, педагог ден ача-ава- влакым Шинчымаш кече дене саламла. Икымше сентябрь- тӱҥалммашын, ончыкылыкын, у йӧн- влакын символжо улеш. Пайрем школышто тунемше- влаклан волгыдо кумылыш, усталык пашашке омсам почеш. Кугыеҥ- влаклан пиалан школ жап нерген ушештара. Марий Элыште йоча да туныктышо- влаклан кызытсе жаплан келшыше йӧн ышталтеш, проект ден программе- влак шыҥдаралтыт. Туныктымо паша пайдале,. йӧнан да оҥай лийже манын идалык еда школ ден йоча садлам капитально олмыктат, у оборудований налалтеш. Туныктышо- влаклан тыршен пашам ыштымыштлан да пашаштым йӧратымыштлан тауштем. Ача-ава- влаклан тыршыше, чолга, чыла пален налаш тыршыше икшвым куштымыштлан таум каласем, - ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски