Марий Эл гыч Сергей Семёнов «Виче курык- влак» пел марафонышто сеҥышыш лектын
Марий Эл гыч Сергей Семёнов «Виче курык- влак» пел марафонышто сеҥышыш лектын. Атлет 21 меҥгат шӱдӧ метрым ик шагатат 12 минутышто куржын эртен да икымше верым налын. Йошкар-Оласе куржталаш йӧратыше- влакын «Айвика» клубын да республикын спортсменже- влак «Движение- Вятские холмы» пелмарафоныш ушненыт. Йӱлаш пурышо старт Киров олаште кеҥежын пытартыш рушарнянже- 27-ше августышто лийын. Пӧръеҥ- влак коклаште сеҥышыш Медведево район гыч ятыр пелмарафонышто сеҥыше, ветеран- влак коклаште кум тӱжем метрыш куржмаште Российын чемпионжо 38 ияш Сергей Семёнов лектын. Соперникшым 25 секундлан ончылтен. Ӱдырамаш-влак коклаште 50-59 ияш- влак коклаште лу меҥгыш куржталмаште Валентина Ельмекеева кумшо верым налын. Лу меҥгыш куржмаште 70 ияш да кугурак- влак коклаште Николай Соколов куржталмашым той медаль дене мучашлен. Нылле ияш да кугурак- влак коклаште лу меҥге коклаште Светлана Фурзикова кумшо лийын.
Фото: «Вятские холмы» куржталмаш. ВК.
Фото: «Вятские холмы» куржталмаш. ВК.
