Марий Элым вуйлатыше Юрий Зайцев Правительствын заседанийжым эртарен

 Марий Элым вуйлатыше Юрий Зайцев Правительствын заседанийжым эртарен
                Марий Элым вуйлатыше Юрий Зайцев Правительствын заседанийжым эртарен. Заседанийын икымше ужашыжым чоҥымаш министр Наталья Ошланова почын. Тудо республикысе объект- влакым да социал сферым шыже- теле жаплан ямдылыме нерген докладым ыштен. Кокымшо блокышто Тенийсе икымше пелийыште республикым социал-экономик велым вияҥдыме да консолидированный бюджетым шуктымо лектыш нерген промышленность министр Михаил Полубарьев ден финанс министр Алексей Торощин каласкаленыт. Кумшо блокышто туныктыш министр Лариса Ревуцкая туныктымо школ системым уэмдыме программым шыҥдарыме нерген докладым ыштен. Тиддеч посна Курык марий район администрацийлан 31-ше август марте Троицко-Посад школым капитально олмыктен пытараш кӱштымӧ.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски