Йошкар-Олан аэропортшо икымше октябрь гыч жаплан петыралтеш
Йошкар-Олан аэропортшо икымше октябрь гыч жаплан петыралтеш. Тиде жап гыч чоҥештен кӱзымӧ да волен шичме полосам пужен ышташ тӱҥалыт. Сандене тудо самолёт- влакым шынден ок керт. Мыняр жаплан петырыме нерген кызыт огыт умылтаре. Но олмыктымо деч вара Йошкар-Ола 200 еҥ шичман самолёт- влакымат шынден кертеш. Кызыт ситыдымаш улмылан кӧра полоса кугу самолёт- влакым ок шынде. Полосам пужен ыштымаш аэровокзал комлексым чоҥымаш дене пырля шукталташ тӱҥалеш.
