Марий Элын юнгыжо- влак теҥыз пашам Российыште ойыртемалтше «Паллада» парус клубышто тунемыт
Марий Элын юнгыжо- влак теҥыз пашам Российыште ойыртемалтше «Паллада» парус клубышто тунемыт. Тиде клубышто 8 гыч 16 ияш марте 100 утла самырык моряк- влак шинчымашым да моштымашым погат. Йоча- влак судно- влакым шке чоҥат да олмыктат, вӱд дене кужу походлаш коштыт. Эсогыл рвезе- влак тыгаяк лӱман «Паллада» тунемме суднышто тӱня йыр путешествийышкат коштыныт. Пел ий ончыч меценатын полшымыжо дене мастерскойым чоҥымо. Тушто президент грант Фондын поддержатлыме «Марий Элын йоча флотилийже» проект шыҥдаралтеш. Ынде йоча- влак идалык мучко теҥыз пашам шымлен да судным чоҥен кертыт. Марий Элым вуйлатыше парус клубым вуйлатыше Андрей Желудкин да юнго- влак дене мутланен. Российыште самырык моряк- влаклан тыгай клуб эше уке, манын Андрей Владимирович. Йыҥгыртат, проектым йодыт. Ме нунылан колтышна. Мемнан дене парус йымалне сай школым эртыше- влак кызыт эллан служитлат,- каласен клубым вуйлатыше. Клуб 2011-ше ий гыч гына пашам ышта гынат, тудын тӱрлӧ кӱкшытан ятыр сеҥымашыже уло.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
