Эрла Марий Эл Калыкын икоян улмо да Республикын кечыжым палемда
Эрла Марий Эл Калыкын икоян улмо да Республикын кечыжым палемда. Нине кугу пайрем дене республикысе калыкым Марий Элым вуйлатыше Юрий Зайцев саламла. Нине пайрем келге историй корнан улыт. Кеч-могай жапыштат тӱрлӧ йылман, тӱрлӧ юмын йӱлам кучышо, ойыртемалтше политике шонымашын еҥ- влак тыныслын, ваш келшен илат. Тидыже Российлан кугу, куатле кугыжаныш лияш йӧным ыштен. Мылынна кызыт поснак икоян да виян лияш кӱлеш. Ик цель верч икте-весе дене ваш умылен, келшен илымылан, кучемын чыла укшыжо умылен вашкылым кучымыштлан кӧра ме элнан экономикыжым пеҥгыдемден, социал полышым саемден, еҥ- влакын илыш качествыштым нӧлтен кертына. Марий Эл Республике тӱрлӧ калыкым иктыш ушен. Чыланат кундемнан пеледше лиймыже верч тыршат, тудым пагалат да йӧратат. Ме коча ден кугезе кочана- влакым пагален шарнена, шке шонымашнам кучена да тӱшка тушман ваштареш ик ой дене кучедалына. Ӱшанем: шочмо элым йӧратымаш да калыкын келшен илымыже у сеҥымашыш шуаш полшат.-ойлалтеш республикым вуйлатышын саламымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
