Эрла терактыште вуйым пыштыше- влак лӱмеш сортам чӱктат

Эрла терактыште вуйым пыштыше- влак лӱмеш сортам чӱктат
              Эрла, кумшо сентябрьыште, Йошкар-Олаште терактыште вуйым пыштыше- влак лӱмеш сортам чӱктат. Оласе калыкым Бесланыште, Москошто, Курскышто, Донбассыште вуйым пыштыше- влакым шарналташ ӱжыт. 2004-ше ийын икымше сентябрьыште Бесланыште  шучко трагедий лийын. Тӱжем утла еҥ террорист- влакын заложникышкышт савырнен. Тиде терактеш 314 тыныс еҥ колен. Нунын коклаште 186 йоча улмаш.
              Зданийым 3-шо сентябрьыште штурмоватлаш тӱҥалыныт. Терроризм дене кучедалмаште Икоян улмо Кечын программыже: 11 шагатлан Россий Армийын тӱвыра полатыштыже «Беслан, Мондаш лийдыме трагедий» мероприятий. 13 шагатлан Ленин лӱмеш тӱвыра полатыште концерт-реквием, тиде жапыштак Сеҥымашын 30-шо идалыкше лӱмеш тӱвыра полатыште тематике программе. 13 шагатат вич минутлан ик тат шып шогымо жап увертаралтеш- лач тиде пагытыште Бесланысе икымше номеран школышто штурм тӱҥалын. 19 шагталан Ленин лӱмеш тӱвыра полат ончылно сортам чӱктымӧ мероприятий лиеш.
           Фото: Йошкар-Ола мэрий.

Прошлые выпуски