Эше ик креативный индустрий школ

Эше ик креативный индустрий школ
Марий Элым вуйлатыше Юрий Зайцев креативный индустрий школын пашаже дене палыме лийын.  Эше ик тыгай тунемме тӧнеж Йошкар-Оласе художественный училищыште почылтын. Икымшыже Палантай лӱмеш тӱвыра да сымыктыш колледж пелен пашам ышта. Художественный училищым лӱмынак ачаленыт, занятийым эртараш пӧлем-влакым келыштареныт. Школ чапле оборудований дене пойдаралтын. Тушто икмыняр виктыш дене кок ий тунемыт. Тиде «Анимаций ден 3D», «Дизайн», «Фотовидео-производство». Занятий-влак тӱрлӧ ешартыш дисциплина денат эртат: сӱрет, живопись, композиций, проект, ончер паша, креативный экономика да молат.
Юрий Зайцев  «Анимаций ден 3Д» студийым, фотостудийым, каныме пӧлемым, кабинет-влакым, концерт залым ончал савырнен. 
Тылеч посна регионым вуйлатыше Палантай лӱмеш колледжын академический музык факультетыштыже ачалыме пашам аклен. Тушто кабинет ден коридор-влакым тӧрленыт, кӱвар шартышым вашталтеныт, тувырашым тӧрленыт, инженер комуникацийым уэмденыт да моло пашам шуктеныт. Юрий Зацев йоча-влакым усталык шӱлышеш шуараш сай йӧн ышталтме нерген палемден.


Прошлые выпуски