«Шӧртньо еш» Марий Элыште ила
Звенигово район гыч 51 ий пырля илыше Майковмыт еш «Шӧртно еш» семын палемдалтын. Тыгай номинацийыште вате-марийым «Идалыкын ешыже» Россий кӱкшытан конкурсышто палемденыт. Конкурсышто чылаже икмыняр номинаций лийын: «Шуко шочшан еш», «Самырык еш», «Ялысе еш», «Шӧртньӧ еш», «Еш - йӱлам аралыше». Кажныштыже икмыняр еш дене палемденыт. Сандене сеҥышат ятыр - чылаже 85 мужыр - лийын. А конкурсыш ушнаш йодмашым 400 наре еш пуэн. Майков Валерий Геннадьевич пелашыже Ольга Ивановна дене Марий Отар ялыште илат. Ӱдыр-эргым ончен-куштеныт, сай пример улыт.
