Эше ик «Точка роста» рӱдер
2019-ше ий гыч тӱҥалын, элысе школлаште «Точка роста», «АйТи-куб», «Кванториум» тунемме рӱдер- влак почылташ тӱналыныт. Тиде паша «Туныктыш» калыкле проект да «Кызытсе школ» федерал проектлан кӧра лийын кертын. Теве сентябрь тӱҥалтышыште Морко районысо Унчо школышто естественнонаучный корно дене «Точка роста» тунемме рӱдер почылтын. Проект кышкарыште школыш келшыше тунемме оборудований толын. Тыге тунемше- влаклан урокышто, урок деч варасе да «Занимательная биология», «Химия чудес и экспериментов», «Удивительное рядом» ешартыш занятийлаште практике пашам ышташ лиеш. Биологий да химий дене йоча- влак проект да шымлыме пашам ыштат. «Точка роста» кугу оласе, ялысе але изи оласе тунемше- влакланат шинчымашым налаш икгай йӧным ышта.
Фото: Морко район администраций.
Фото: Морко район администраций.
