Этнокультурный ушемын еҥже- влакым журналистикылан тунемаш ӱжыт

Этнокультурный ушемын еҥже- влакым медиакоммуникаций школыш ӱжыт. Республикыштына коммерцийдыме этнокультурный организаций- влаклан «медиакоммуникаций школ» проект почылтеш. Журналистике сомыллан март гыч июнь марте этнокультурный организацийлан еҥышт тунем кертыт. Оксам тӱлыде тунеммаш изарня еда Чавайн лӱмеш книагудышто эрта. Икымше занятийым 19-ше мартлан палемдыме. Тушто нуно тӱшка увер йӧн дене кылым кучаш да кызытсе медиакоммуникацийын негызшылан тунемыт. Сайын тунем пытарыше- влак сертификатым налыт. Проект элысе 15 кундемыште шыҥдаралтеш. Марий Элыште кураторлан марий тӱвыра рӱдерым вуйлатыше Наталья Пушкина ышта. Тудо Москосо Ломоносов лӱмеш университетын журналистике факультетыштыже тунеммашым эртен да наставникын сертификатшым налын.

Прошлые выпуски