Республикышкына элнан премьер-министрже Михаил Мишустинын вуйлатыме Правительстве делегаций толшаш

Шукерте огыл республикым социально-экономически вияҥдыме индивидуальный программым ямдылен, Москваш колтымо. Тудын негызеш рӱдӧ ола ешартыш вич миллиард теҥгем ойырен кертеш. Тиде пашам иктешлымаш семын, республикышкына элнан премьер-министрже Михаил Мишустинын вуйлатыме Правительстве делегаций толшаш. Тудо экономикын кузе вияҥмыжым шке аклышаш. Тудлан ямдылалтме йодышым республикым вуйлатыше контрольышто куча. Таче тудо делегацийым вашлийшаш антикризис рӱдерын залыштыже лийын. Тушто республикын илышыж дене палдарыше увер стенд- влакым вераҥдыме. Республикыште промышленностьым вияҥдыме регионысо фонд ышталтшаш. Транспорт инфраструктурын кугу объектше- влакым модернизироватлыме программым ыштыме. Йошкар-Ола аэропорт уэмдалтшаш. Экономикын вӱдышо отрасльыштыже- агропромышто 2024-ше ий марте 36 инвестиций проектым шыҥдараш палемдыме. Тудын цельже- валовый продукцийын кугытшым 10 миллиард теҥге марте шуктымаш. Ме кызытат Юл кундем округышто ик еҥлан шотлымаште шылым, саскам, пареҥгым ыштен налмаште, икымше верыште улына.

Прошлые выпуски