Кугу Сеҥымаш вашеш элна мучко 27 миллион пушеҥгым шындат
Республикысе пӱртӱс поянлык министерстве Российысе «Шарнымаш сад» акцийыш ушна. Тудлан тӱҥалтышым Российысе пӱртӱс поянлык министерстве ден Рослесхозын полышышт дене «Сеҥымашын волонтёржо- влак» российысе мер толкын ыштен. Кугу Ачамланде сарыште элым аралышыла вуйым пыштыше- влакым шарныме лӱмеш элнан чыла кундемыштыжат 27 миллион пушеҥгым шындат. Республикыштына акций кышкарыште сеҥымаш идалыкым ончыктышо 75 гектареш 200 тӱжем утла пушеҥгым шындаш палемдыме. Тиде кундемыште шарныктышан аншлаг- влак вераҥдалтыт. «Шарнымаш сад» акций 20-шо апрель гыч 10-шо май марте республикысе чыла 18 лесничестве кундемыште эрта.
