Юл кундем округысо тунемше- влакын «Наукышко мыйын икымше ошкылем» форумышт заочный йӧн дене эрташ тӱналеш
Юлтех школышто тунемше- влакын «Наукышко мыйын икымше ошкылем» шанче- туныктыш форумым эртарыме форматшым вашталта. Юл кундем округысо тунемше- влакын 8-ше форумышт заочный дистанций йӧн дене эрташ тӱналеш. Тушко йодмашым 21-ше март марте участникын личный кабинетше гоч налалтеш. Сеҥыше- влакын спискышт форумын лаштыкыштыже 25-ше март марте савыкталтеш. Чыла участник- влак сертификатым электрон почтышкышт налыт. Сеҥыше да призёр- влаклан савыктыме кагаз дипломым тунемме тӧнежлашкышт колтат. Тиде форумышто лийше Юлтехын абитуриентше- влак бакалавриат ден специалитетыш тунемаш пурымышт годым, конкурс баллыш ик ешартыш баллым налыт.
