Таче Йыван Кырлан шочмыжлан 111 ий темеш

Таче марий калыкын кугешныме эргыже, поэт да киноактер Йыван Кырлан шочмыжлан 111 ий темеш. Поэт икымше  йӱкан «Путёвка в жизнь» совет фильмыште шала коштшо йоча- влакын ончылеҥышт Мустафа Фертым модмыж дене уло тӱнялан палыме артист лийын. Но поэт семын шочмо кундемжым да у илышым умбакыжат моктен мурен. Тудын шочмо кечыж лӱмеш Шкетан лӱмеш марий театр «Кырла-111» проектым тӱҥалын. Тудын кышкарыште йотэл гыч толшо студент- влак Йыван Кырлан усталыкше дене палыме лийыт, поэтын эн кумдан палыме «Шочмо кече» почеламутшым шке йылмышт да марий йылме дене лудыт.

Прошлые выпуски