Лӱмлӧ марий писатель да журналист Виталий Петуховлан мемориал оҥам почмо

Куженер посёлкышто лӱмлӧ марий писатель да журналист Виталий Петуховлан мемориал оҥам почмо. Тудым пытартыш ийлаште тудын илыме пӧрт пырдыжеш вераҥдыме. Тиде шарнымаш церемонийыш писательын йолташыже, пырля пашам ыштыше, усталыкшым аклыше- влак погыненыт. Нуным Кугыжаныш Погын вуйлатышын алмаштышыже, тазалыкаралтыш, тӱвыра да спорт пӧлкам вуйлатыше Евгений Кузьмин саламлен. Виталий Альбертович Курык марий районеш шочын, но илышыжын кужу жапшым Куженер велыште эртарен. Профессионал пашаже да илышыже районысо «Заря» газет дене кылдалтын. Пашажым кӱкшын аклыме. Тудо «Марий Элын сулло журналистше», «Марий Элын калык писательже» Чап лӱм- влак дене палемдалтын. Историй сынан романже- влаклан Марий Элын Кугыжаныш Премийжым пуымо. Виталий Петуховын ӱмыржӧ 2016-шо ийыште кӱрылтын.

Прошлые выпуски