Курыкмарий кундемын шочшыжо Любовь Татарникова ӱмыржӧ мучко туныктымо пашаште тыршен
Туныктышо да наставникын идалыкышт кышкарыште республикыштына лӱмлӧ, мастар туныктышо-влак нерген ме уло кумылын палдарена. Тиде гана Курыкмарий район Ольошкан ялыште илыше, ятыр ий руш йылмым да литературым туныктышо, а кызыт сулен налме канышыш лекше Любовь Татарникова нерген шомакнам шуена. Шке пашам да икшыве-вакым йӧратыше, кожмак ӱдырамаш Килемар районысо Цинглок поселкышто, вара Курыкмарий районысо Кулаково кыдалаш школышто туныктен.
