Килемар районышто мӱкшын чержылан кӧра карантиным увертарыме

Килемар районышто мӱкшын чержылан кӧра карантиным увертарыме
          Килемар районышто мӱкшын чержылан кӧра карантиным увертарыме. Чер умбакыже ынже шарле да нозематозым пытараш манын Республикысе ветеринарий комитетын приказше дене Килемар районысо Петропавлов ялысе ик озан мӱкш отраже кумдыкышто нозематоз шотышто чарыме мероприятийым пуртымо. Тушто законодательство дене келшышын тазаҥдыме мероприятий- влак эртаралтыт карантин жаплан тиде ялыште черле мӱкш ешла гыч налме мӱй ден пергам таза мӱкш- влаклан пукшаш ок лий, тыгак черле ешла гыч мӱкшым, мӱкшавам да мӱйым налаш ок лий. Нозематоз кугу мӱкш, мӱкшаван, узо мӱкшын шолыштышт илыше чер. Тудо теле мучашыште- шошым палдырна, кеҥежым симптом деч посна эрта. Мӱкшлан чер мӱйым, пергам кочмыжо годым, ячейкым эрыктыме, ноземын споржо дене амыргыше вӱдым йӱмыжӧ годым пижеш. Температурын трук вашталтмыже, телым мӱкшым тургажландарыме годым, омарташте вӱдыжгӧ ешаралтме, шошым уэш толшо йӱштӧ черлан шарлаш йӧным ыштат. Черланыме годым шоло пудырана, вийже йомеш да мӱкш еш колен кертеш. Карантиным кузе шуктымым Росельхознадзор виктем контрольышто куча.

Прошлые выпуски