Тений Дружба да Эшкинин уремысе кудывечылам тӱзландарышаш проектыш пуртымо
Тений Дружба уремысе 77-ше пӧрт да Эшкинин уремысе 5-ше пӧрт кудывечылам тӱзландарышаш проектыш пуртымо. Шуко пачеран кок пӧртыштӧ илыше- влак «Оласе йӧнан кумдыкым ыштымаш» федерал проектыш ушненыт. Нуно кудывече кумдыкым шке погыш оформитленыт, кӱлеш документым погеныт да программыш ушнаш йодмашым пуэныт. Адакшым кудывечылаште паша кӱшыл бюджетла гыч ойырымо окса кӱшеш шукталтеш. А калык пашан пӱтынь акше деч кум процентым тӱла. Паша радамыш корно, тротуарым асфальтироватлымаш, изи архитектур формо- влакым вераҥдымаш пуреныт. Объектлаште увер щитым вреаҥдыме. Тушто тӱзландарыме паша кая манын возымо, подряд организаций кӱлеш документым ямдыла. Лишыл жапыште пашам тӱҥалшаш улыт.
Фото: Йошкар-Ола администраций.
Фото: Йошкар-Ола администраций.
