Фигуристка Агнета Латушкина таче Российын превенствыштыже произвольный программе дене выступатла
Марий Эл гыч фигуристка таче Российын превенствыштыже юниор- влак коклаште произвольный программе дене выступатла. Агнета Латушкина Красноярск олаште кайыше Российын первенствыштыже кызытеш 11-ше верым налеш. Йошкар-Ола гыч 11 ияш спортсменке Кӱчык программе деч вара 62, 92 баллым поген. Эн виян лу спортсмен коклаш пураш 0,52 шӱдаш балл гына ситен огыл. Агнетан вержым тӧрлаш ӱшанже уло. Таче участнице- влак произвольный программым ончыктат. Трансляцийым вияш эфирыште эскераш лиеш. Агнета икымше гана коньки ӱмбаке кум ийыш шудеак шогалын. А индеш ияшыж годым «Йоча- влак ий ӱмбалне. Шӱдыр-шамыч» проектыш ушнен да финалыш лектын. Тунам тудым уста да палыме тренер Татьяна Тарасова мокталтен. Кодшо ийын декабрьыште тудо Москошто Российын кубкыжын визымше йыжыҥыштыже визымше верыш лектын.
