Волжскысо электромеханический завод 50 ияш лӱмгечыжым палемда

               Теҥгече Марий Элым вуйлатыше Александр Евстифеев Волжск оласе ик кугу предприятийыш- электромеханический заводыш миен. Тудо тений шкенжын 50 ияш лӱмгечыжым палемда. Александр Евстифеев заводын тоштерышкыже пурен, коллектив дене вашлийын. Заводын генеральный директоржо Евгений Баутин предприятийын историйже, вуйлатыше- влак да пашаеҥ-шамыч нерген каласкален, онай факт- влак дене палдарен, тӱрлӧ ийлаште лукмо аппаратуро- влакым ончыктен, у разработко- влак дене палымым ыштен. Актовый залыште Республикым вуйлатыше коллективым лӱмгече дене саламлен да предприятийын чапле историйже уло, ӱшанлын вияҥеш,  манын палемден. Тудо неле 90-шо ийлам сеҥен лектын, кадр да промышленный куатшым арален коден, ончычсо кугыт деке пӧртылын, ассортиментым кугемдаш, медицина кӱлешлыклан оборудованийым лукташ тӱҥалын. Кызыт Юлтех дене пырля роботизированный экзоскелетым луктеш. Кодшо ийын тудын образецшым «Армия-2020» военно-технический форумышто ончыктымо, йотэл гыч толшо- влакынат кумылыштым савырен. Тудым лукташ тӱҥалмаште ме полшаш ямде улына, каласен Александр Евстифеев. Тидымат ешарен: Марий Эл Правительствын пашаштыже Волжск олам вияҥдымаш ик эн приоритет верыште улеш.
                      Мучашлан республикым вуйлатыше заводын ойыртемалтше пашаеҥже- влаклан наградым кучыктен. Тыге генеральный директор Евгений Баутин «Марий Эл ончылно надырлан» орденын медальже дене палемдалтын. «Республикын сулло машиностроительже» Чап лӱмым генеральный директорын аламштышыже Александр Омётовлан пуымо. Правительствын Чап грамотыжым слесарь- инструментальщик Павел Платонов налын. Республикым вуйлатышын тауштымашыжым монтажник Сания Дудина, инженер- технолог Ирина Малова, цех вуйлатышын алмаштышыже Леонид Матвеевлан увертарыме.

Прошлые выпуски