Республикыштына Ковид дене черланымашын изиш шагалеммыже шижалтеш

                   Республикыштына Ковид дене черланымашын изиш шагалеммыже шижалтеш.  Марий Элым вуйлатыше Александр Евстифеев Российысе Кугыжаныш Советын коронавирус чер ваштареш шогышо пашаче группыжын черетан заседанийыштыже лийын. Тудым Сергей Собянин эртарен. Видеоконференцкыл йӧн дене эртыше погынымаште телымсе эпидемиологий тургымын кузе эртымыже, вакцинаций кампанийын кузе кайымыже дене кылдалтше пӱсын шогышо йодыш- влак нерген ойлымо. Тичмаш налмаште элна мучко черын шарлымыжын иземмашыже палдыра, палемдыме тушто. Палемдыме койкын чырык нарыже шагалемын. Но тӱшка показатель эше кугу кодеш. Марий Элыштат тыгаяк сӱрет. Эн шуко черланыше-влак Йошкар-Олаште, Медведево районышто да Волжскышто лийыныт. Пенсионер- влак коклаште черланымаш 37 процент, пашазе- влак 25, медицина пашаеҥ-шамыч-10, служащий коклаште -8 процент лийын. Эмлыме койкым Оршанке эмлыме верыште, Республикысе йоча клинический эмлыме верыште, Йошкар-Оласе, Волжск оласе, Марий Турекысе, Звениговысо, Козьмодемьянскысе, Медведево, Советский эмлыме верлаште да республикысе сарын ветеранже- влаклан клинический госпитальыште шагалемдыме. Тачысе кечылан 9 медтӧнежыште 925 койко кодеш. Тушто 660 пациент эмлалтеш. Тенийсе кум арняште еҥ- влакым эмлыме верыш пыштымаш 52 процентлан шагалемын. Пандемий тӱҥалме годсек гигиена да эпидемиологий рӱдерын пашаеҥже- влак 291 тӱжемат 807 лабораторный тергымашым эртареныт, эртыше суткаште гына тӱжемат 360-м. Кокымшо февральлан шотлымаште республикыш 16 тӱжемат 692 дозо вакцине толын, февраль мучаш марте эше 10 тӱжемат 700 дозо толшаш. Привикым 19 медицина тӧнежыште ыштат. Тымарте кок тӱжемат 360 еҥ ыштыктен, тушечын 713 еҥже тичмаш курсым эртен.

Прошлые выпуски