Калык- влакын келшымаш пӧртышт кок ий гыч ямде лиеш

                    Йошкар-Олаште кок ий гыч Калык- влакын келшымаш пӧртыштым чоҥен шогалтыме лиеш. Республикысе капитально чоҥымаш виктем чоҥашлан тендерым уветарен. Сеҥыше дене 383 миллион теҥгелан контрактым ыштыме лиеш. Тендерыш ушнашлан йодмашым 24-ше февраль марте налыт. Келшымаш пӧрт ныл пачашан лийшаш. Тӱшка кумдыкшо ныл тӱжемат 700 квадрат метрыш погына. Икымше пачашыште административный пӧлемла ден буфет, кокымшо пачашыште холл дене заседений зал, кумшышто конференций, концертлан шуко функциян универсальный зал, кусаркалыше- влакын пӧлемышт верланат, нылымше пачаш технический лийшаш. Контаркт дене келшышын, Пӧртым 2023-шо ийын май мучашыште сдатлышаш улыт. Тиде пӧртым чоҥаш республике 679 миллион теҥге субсидийым налын.

Прошлые выпуски