«Приволжский» ФОК-ым торжественно почмо
Марий Элым вуйлатыше «Приволжский» физкультура да тазалыкым пеҥгыдемдыме комплексым почмаште лийын. Тиде кугу спорт комплексым чоҥен шуктымым районысо калык 10 ий вучен. «Газпромын» полшымыжо да республикым вуйлатышын ушнымыжо дене 2020-шо ийыште объектым ыштен шуктымо. ФОК-ым эксплуатацийыш налме и кызытак тудо спортым да таза илыш йӱлам йӧратыше- влакым вашлийын кертеш. Александр Евстифеев ден «Газпром трансгаз Нижний Новгород» ООО-н генеральный директоржын сомылжым шуктышо Риф Садритдинов йошкар тасмам торжественно пӱчкыныт да модмо, тренажёр заллам,бассейным ончен лектыныт. Лач тиде жапыште кугу чашыште спорт школышто шуаралтше- влакын тернировкышт лийын, а изи чашыште «Ава ден йоча» группын занятийже каен. Республикым вуйлатыше нунын дене мутым вашталтен да спорткомплексыш тӱрлӧ ийготан еҥ- влак коштын кертыт манын. Республикысе калыкым тиде кӱлешан объектым почмо дене саламлен. Комплексым почмо дене тӱшка спортым вияҥдаш, тӱрлӧ ийготан калыкым физкультура дене чолганрак авалташ, ялысе йоча- влаклан кугу спортыш ушнаш йӧным ышташ палемдыме.
