Кол кучымо дене икымше таҥасымаш- влак Козьмодемьянскыште эртеныт

                  Кол кучымо дене икымше таҥасымаш- влак Козьмодемьянскыште эртеныт. Кодшо рушарнян мормышке дене колым кучымо дене олан икымше кубокшо лийын. Таҥасымашым олан администрацийже дене тӱҥ партийын верысе пӧлкаже ямдыленыт. «Потенциал» заводын еҥже- влак таҥасымашын технический да судитлыме ужашыже дене полшеныт, МЧС ден аварийно-утарыше служба лӱдыкшыдымылыкым эскереныт. Таҥасымаш кок йыжыҥ дене эртен. Тушко 24 еҥ ушнен, нунын кокла гыч иктыже ӱдырамаш лийын. Игече пеш куандарен огыл: лум, йӱр лийын, мардеж талышнен. Но лектыш уда лийын огыл, олаҥге сайын чӱҥген. Висыме деч  вара колым мӧҥгеш эҥерыш колтеныт. Иктешлымеке, икымше лу еҥлан колым кучымо икымше разрядым пуымо, а ӱдырамашлан йолташыже- влак деч телымсе эҥырвоштыр, спонсор деч мормышнице логалын. А сеҥыше Кубокым налын,  призёр- влаклан партийын секретарьже «Нептун» кевыт деч окса сертификатым кучыктен.
Фото:  mari – el.er.ru

Прошлые выпуски