Футбол дене модмаште Марий Элын кубокшо шке озажым муын
Поро йӱла семын Физкультурникын кечынже футбол дене Марий Элын кубкыжым налше рашемын. Финал модмаште Йошкар-Оласе кок команде УОР-СШОР ден ЗПП вашлийыныт. Тидыжат оҥай: кок командыштыжат ондак «Спартакыште» модшо икмыняр футболист лийын. Тиде: Андрей Рудалёв, Пётр Руденко, Илья Белоусов, Сергей Сабанцев да Андрей Попов. УОР-СШОР талырак лийын да модмаш 5 да 1 счёт дене мучашлалтын. Тыгак Марий Элын кубокшым УОР-СШОР сеҥен налын.
