«Газпром межрегионгаз Йошкар-Ола» вич миллионат 700 тӱжем теҥге парымым кӱрын луктын

                «Газпром межрегионгаз Йошкар-Ола» вич миллионат 700 тӱжем теҥге парымым кӱрын луктын. Тиде тыглай еҥ- влак деч судын решенийже почеш погымо окса. Судлашке тичмаш налмаште 12 миллионат 700 тӱжем теҥге тӱлен шуктыдымо оксам тӱлыкташ кок тӱжемат 600 искым да суд приказым пуымо шотышто йодмашым колтымо ыле. Тӱжемат 900 иск почеш кӱлешан решенийым лукмо, молыжо эше ончымаште улыт. Тидымат шарныман: суд гоч тӱлыктымӧ годым тӱҥалтыш акыш госпошлина да 7% исполнительский сбор ешаралтеш. Судын решенийже лекмеке парымым тӱҥ шотышто вашке пӧртылтат. А суд решенийымат шотыш налдыме- влакын погыштым арестовтален, йотэлыш каяш чарен да моло мерымат ыштен кертыт. Палашлан: тений икымше январьлан шотлымаште газ дене пайдаланымылан еҥ- влак 32 миллионат 998 тӱжем теҥге оксам тӱлен огытыл.

Прошлые выпуски