Георгиевский тасмам мыскылымылан штрафым тӱлыктен да петырымашке шынден кертыт
Георгиевский тасмам мыскылымылан штрафым тӱлыктен да петырымашке шынден кертыт. Российыште Георгиевский тасмам воин чап символ дене тӧр ыштат. Кугыжаныш Дума теҥгече законым пеҥгыдемден. Тудын дене келшышын воин чап символым мыскылымылан кугу штрафым тӱлыктен да эрык деч посна коден кертыт. Документын авторжо- влак Федераций Советын икымше вице-спикерже Андрей Турчак ден Кугыжаныш Думын граждан обществым вияҥдыме, мер да религий ушемын йодышышт дене комитетым вуйлатышын алмаштышыже Ольга Занко улыт. Законын нормыжо тасмам историй шарнымаш дене кылдалтше пашалан гына кучылташ темла. Тиде- Сеҥымаш кече, патриотизм дене кылдалтше пайрем, вуйым пыштыше салтак- влакым шарнымашеш кодымо мерпориятийлаште гына. Тасмам мыскылымылан органиазций- влак 3 гыч 5 миллион марте теҥгем тӱлат. Еҥ- влаклан вич миллион теҥге марте тӱлыктат але вич ийлан эрык деч посна кодат, - воза «Парламент газет».
