Марий Турек районышто «Йошкар Тисте» орденын кавалержылан мемориал оҥам почмо
Марий Турек районышто «Йошкар Тисте» орденын кавалержылан мемориал оҥам почмо. Айглова Йылдырлан шарныктышан оҥам Ӱлыл Турек ялыште вераҥдыме. Йылдыр Изерговна 1922-шо ий 19-ше декабрьыште тиде ялыште шочын. Кугу Ачамланде сарыште кердалын, автоматчик- влак ротын санинструкторжо лийын, медслужбын гвардий старшинаже. Лӱддымӧ ӱдыр сӧй пасу гыч сусыргышо 54 салтак ден офицерым сар-куралышт дене пырля луктын, верыштак медицина полышым пуэн. Улшо увер почеш ныл кече жапыште гына 150 утла перевязкым ыштен. Тудо ик гана веле огыл сусырген, контузитлалтын. Налме сусыржо деч вара 1946-шо ийын икымше мартыште Тамбов областьысе Рассказово оласе госпитальыште ӱмыржӧ кӱрылтын. Тудо «Йошкар Тисте» орден да медаль- влак дене палемдалтын. Нунын коклаште «За отвагу» медальжат уло.
Фото: Марий Турек район администраций.
Фото: Марий Турек район администраций.
