Торасе кундемлаште финанс полышым налаш йӧным ышташ задачым шындыме
Республикыштына торасе кундемлаште финанс полышым налаш йӧным ышташ задачым шындыме. Республикыште Калыкле банкын пӧлкаштыже тиде йодыш дене совещаний эртен. Вашлиймашыште Правительство вуйлатышын алмаштышыже Дмитрий Троицкий, министерстве ден ведомствылан, налог орган, кредит организацийлан вуйлатышышт, уполномоченный- влак лийыныт. Троицкий палемден: ялыште ик кумшо ужаш калык ила. Сандене тора яллаште калык финанс плыш дене пайдаланен кертше манын мемнан ончылно кугу задаче шога. Тидыже калыкын илышыжым саемдымаште ик эн ончыл задаче. Банк пӧлкам виктарыше Александр Волков тӱлымӧ инфраструктурым кумдаҥдаш район- влакым ойырен налме нерген ойлен. Кучем органын, банклан, связь оператор да Россий Почтын еҥже- влак гыч шогышо пашаче группа «дорожный картым» шыҥдара. Эксперт- влак тӱҥалтышлан куштылгырак форматым кучылташ лийме нерген ойлат. Тиде- ялысе калыклан лектын коштшо офис, кассыште наличный окса услуго нерген ойлалтеш. Пытыртышыже- иктаж мом налме годым кассыште банк карте гыч оксам налаш йӧным пуа.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
