Марий Элым вуйлатыше Российын Геройжо Сергей Иштуганов дене мутланен

            Марий Элым вуйлатыше Российын Геройжо Сергей Иштуганов дене вашлийын. Кандашымше декабрьыште Российын Президентше Владимир Путин Кугу Кремль полатын Георгиевский залыштыже кугыжаныш да калык ончылно надырыштлан Геройын шӱдыржым кучыктен ыле. Наградым налше- влак коклаште Марий Эл гыч ВДВ-н 31-ше посна десант да штурм гвардий бригадын командиржын алмаштышыже, подполковник Сергей Иштуганов лийын. Тудын дене теҥгече Марий Элым вуйлатыше Юрий Зайцев вашлийын да патырлыкшылан, сарзе пашалан ӱшанле улмыжлан тауштен. Тудо палемден: Сергей Иштуганов шке шочмо мландыжын да Российын чын Геройжо. Тендан опытда, шинчымашда да патырлыкда самырык боец- влакым шуарымаште кӱлешан лийыт. Тендан пример почеш кушкын толшо тукым чынжымак патриот лийын кушкеш.- каласен Юрий Зайцев. Российын Геройжо мобилизоватлыме еҥ- влаклан полшымылан тауштен. Тиде паша моткоч кӱлешан манын. Рвезе- влакым ямдылыме да экипироватлыме. Марий калыкле батальоным ыштымат куандара,- каласен Сергей Иштуганов.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски