Марий Элым вуйлатыше Юрий Зайцев Ульяновск областьын губернаторжо Алексей Русских дене вашлийын
Марий Элым вуйлатыше Юрий Зайцев Ульяновск областьын губернаторжо Алексей Русских дене вашлийын. Тудыжо кугу делегаций дене Республикыш паша визит дене толын. Вашлиймашын тӱҥ темыже промышленность аланыште вашкыл, торгово-экономик кылым кумдаҥдымаш да моло аланыштат вашкыл дене кылдалтын. Алексей Русских республикыш толаш ӱжмылан тауштен да мыланна оҥай да уым пален налаш полша каласен тудо. Мемнан регион- влак коклаште ужалкалыме да экономике, шанче да технике, тӱвыра кыл уло. Мыйын шонымаште тиде ойпидышлан у шӱлышым пуаш кӱлеш. Губернатор вашкыл шотышто ончыкылыкан отрасльлан машиностроений, тӱвыра, Ай-Ти сфера да турзмым палемден. Тыгак Кугу Юл корно регион- влак кокласе турист маршрут дене кыл нерген ойлен. Марий Элым вуйлатыше регион- влак коклаште вашкылын кугу ончыкылыкшо уло манын палемден. Ульяновск областьысе делегацийын паша программыже поян лийын. Нуно Марий Машиностроитель заводыш, Креатив индустрий школыш, «АйСприҥ» да «ТревелЛайн» компанийлаш миеныт, Кок кундемысе торгово-промышленный палате коклаште вашкыл шотышто соглашенийым пеҥгыдемденыт, туризм аланыште вашкыл йодыш дене йыргешке ӱстелым эртареныт. Алексей Русских Марий Элым вуйлатышым регионын промышленный куатше дене палыме лияш Ульяновск областьыш ӱжын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
