Таче Йошкар-Олаште пӱтынь марий калыкын Россий кӱкшытан погынжо пашам ышташ тӱҥалын

Таче Йошкар-Олаште пӱтынь марий калыкын Россий кӱкшытан погынжо пашам ышташ тӱҥалын
               Таче Йошкар-Олаште пӱтынь марий калыкын Россий кӱкшытан погынжо пашам ышташ тӱҥалын. Тудым торжественно почмашыже эрла Марий паркым почмо дене тӱналеш. Таче Мер каҥашын ончычсо составшын Пленумжо лийын. 12-шо погын 2-шо ноябрь марте пашам ышта. Тушко Российын 20 кундемже гыч 440 наре делегат толын. Погынышо- влак тӱвыра, туныктымо паша, шанче, цифровизаций йодыш- влакым каҥашат. Программыште тыгак Шкетан театрыште «Кеҥеж йӱд» спектакльым ончымаш уло. Тений Погынын пашаже Ешын талукшылан пӧлеклалтын. Посна тӱткышым еш илышыште юмылан ӱшанымашын, православийын да марий юмын йӱлан рольжылан ойырат, Российысе калык- влакын икоян улмыштым пеҥгыдемдыме, келшымашым да тыныслыкым арален кодымо нерген ойлат. Тиддеч посна вич корно дене секций заседаний- влак лийыт. Нуно «Еш да ӱшанымаш», «Еш да тӱвыра», Еш да шинчымашым налмаш», «Еш да тазалык», «Еш, шанче, цифровизаций» теме- влалкан пӧлеклалтыт. Ушештарена: Марий калыкын погынжо ныл ийлан ик гана эртаралтеш. Икымшыже Ӱпӧ губернийысе Пӱрӧ олаште 1917-ше ийын  28-ше июль гыч 5-ше август марте эртен. Тушто Ӱпӧ, Озаҥ, Виче да Пермь губернийла гыч 178 делегат лийын.
           Фото: Йошкар-Ола мэрий.

Прошлые выпуски