Марий Элысе еҥ- влаклан СВО-м поддержатлымылан Калык фронтын наградыжым кучыктеныт

           Марий Элысе еҥ- влаклан СВО-м поддержатлымылан Калык фронтын наградыжым кучыктеныт
           Марий Элысе еҥ- влаклан СВО-м поддержатлымылан Калык фронтын наградыжым кучыктеныт. Теҥгече Марий Элым вуйлатыше республикыште илыше- влаклан «Калык фронт. Чылажат сеҥымашлан» да «Путинын командыже» оҥеш пижыктыме шарнымаш пале- влакым кучыктен. «Калык фронт. Чылажат сеҥымашлан» палым Российын Президентше Владимир Путинын тений шошым Тула олаште «Чылажат сеҥымашлан» форумын участникше- влак дене вашлиймыже деч вара пеҥгыдемдыме. Юрий Зайцев мероприятийын участникше- влак дене мутланышыжла палемден: Российын тӱжем ияш историйыштыже икте вашталтде кодын- элнан ончыкылыкышкыжо да икоян улмышкына кажне гражданинын надыржын кӱлешлыкшым умылымаш. Кызыт  боец- влак передовойышто Элнан интересшым аралат, Кугу Ачамланде сарын геройжо- влак семынак фашизмын вожшым кӱрыштыт, йоча- влаклан ончыкылыкым ыштат. Россий калык фронтын амбоссадоржо Деян Берич дене пырля Юрий Зайцев СВО-н участникше- влаклан полышым пуышо еҥ- влаклан наградым кучыктеныт.
               Кок еҥ «Путинын командыже» шарнымашан палыже дене наградитлалтын. «Калык фронт. Чылажат Сеҥымашлан» наградитлыме церемонийыште чолга граждан позицийлан, российысе акцийлаште участвоватлымылан да гуманитар полышым погымылан «Путинын командыже» пале дене Марий Элысе сайлыме комиссийым вуйлатыше Ирина Татариновам да кокымшо номеран территоиальный сайлыме комиссийын вуйлатышыже Роман Пуховым палемдыме. СВО-м эртарыме жапыште тӱшка вий дене кредалме кундемлашке 116 тонн утла грузым колтымо. Вургем, кочкыш, технике, медикамент- влакым Марий Эл гыч боец- влалкан пуымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски