Ийше- влакын сеҥымашышт
Юл кундем федерал округын чемпионатше гыч Марий Элысе ийше- влак 14 медаль да вич рекорд дене пӧртылыныт. Саранск олаште иймаш дене Российын Чемпионат ден Первенствыже мучашлалтын. Таҥасымаш 14 регион гыч тӱжем наре спортсменым чумырен. Марий Элын чапшым олимпий резерв спорт школын ийшыже- влак араленыт. Команде сай лектышым ончыктен: 14 медальым сеҥен налын да республикын вич рекордшым ончыктен. Анна Керженёва кум шӧртньӧ медальым, Владимир Сандыков шӧртньӧ медальым, кок шийым, ик той медальым налын. Кристина Маслова ший да кок тойым, Ксения Яковлева кок тойым, Платон Колесников той медаль дене палемдалтыныт. Рекордым Арина Керженёва, Кристина Маслова, Владимир Сандыков, да рвезе- влакын эстафета командышт кок таҥасымаште ончыктеныт.
