ГТО нормативым шукынрак сдатлат
ГТО нормативым сдатлаш кумылан- влак ешаралтыт. ГТО комплексыште иймаш дене кумыл почеш таҥасат. Значокым налашлан тудын дене нормативым шукташ ок кӱл. Туге гынат витле метрым ийын ончаш Йошкар-Оласе 10-шо 11-ше класслаште тунемше 60 еҥ кумылаҥын. Нуно сайын ийын моштымыштым ончыктеныт да заданийым сайын шуктеныт. Нуно моштымашыштым «Дельфин» бассейныште тергеныт. Тунемме идалык тӱҥалме годсек оласе чыла выпускник- влак шке кумылын ГТО нормативым сдаватлат. Кодшо ийысе дене таҥастарымаште кумылан- влак ешаралтыныт.
