Игорь Комаров Марий Элыште лийын

Игорь Комаров Марий Элыште лийын
Теҥгече Марий Элыш Россий президентын Юл кундем округышто полномочный представительже Игорь Комаров толын. Республикым вуйлатыше дене пырля тудо кум тылзе ончыч Йошкар- Олаште почылтшо йоча да самырык- влакын техник усталык рӱдерышкышт миеныт. Тушто нуно моделизм, робототехнике, увер технологий кабинетлам, киностудийым, конференц-залым да методик зоным онченыт. Республикым вуйлатыше увертарен: тыгай икмыняр рӱдерым республике мучко почаш палемдыме. Игорь Комаров рӱдерын поян оборудованийжым палемден. Нунын  мийыме вес объектше- Марий машиностроитель завод лийын. Тушто предприятийын производственный куатшым онченыт. Медицина организацийлан лукмо аппарат- влак дене палыме лийыныт. Лукмо продукций ӱмашсе тыгаяк жап дене таҥастарымаште кок пачаш ешаральын. Кызыт завод ял озанлык оборудованийым, светодиодан рекламе таблом да моло калык сатум лукташ ямдыла.
                     Игорь Комаров тыгак республикыште калыкле проект-влакым шыҥдарыме нерген ойлен. Тудын мутшо почеш федерал проект- влакым шыҥдараш ойырымо оксам кучылтмо дене Юл кундем округышто Марий Эл ончыл радамыште кая. Но эркышнаш ок лий. Оксам ойырымо да кучылтмо йодышлан Счётный палате кугу тӱткышым ойыра.  Марий Эл Российысе кокла показатель деч кӱшнырак улеш. Чыла проект график почеш шындаралтеш. Игорь Комаров тыгак республикын сайлымашлан ямде улмыжымат палемден. Александр Евстифеев полпредлан Российысе чоҥымаш министрын республикыште лиймыж нерген каласкален. Республикым социал-экономически вияҥдыме проектым сайлан шотлымо. Тудым Россий правительствыш пуымо лиеш. Ме сай вашмутым вучена. Тудо Россий президентын шындыме задаче- влакым шукташ сай йӧным ышта, манын каласен.

Прошлые выпуски